Իրանի հայցը Ռուսաստանի դեմ С-300 զենիթային համալիրների վերաբերյալ կարող է հանգեցնել քաղաքական  լուրջ հետեւանքների: Մոսկվան պատրաստ է Թեհրանին զրկել միջուկային խնդրում իր աջակցությունից: Այդ մասին «Կոմերսանտին» հայտնել են Ռուսաստանի նախագահի աշխատակազմից: 

Քանի որ, չնայած Մոսկվայի խնդրանքին, հայցերը  հետ չեն կանչվել, դիրքորոշումն արդեն կխստանա: 

«Մինչեւ  «վեցյակի» հաջորդ նիստը մենք կփորձենք  Թեհրան ուղարկել  կառավարական պատվիրակություն: Եւ եթե նորից մերժում ստացվի, ապա Իրանը համաշխարհային ասպարեզում  միջուկային հարցում ինքնուրույն հանդես կգա»,- սպառնացել է Կրեմլի պաշտոնյան:

Մինչդեռ Ռուսաստանի աջակցությունն Իրանին այժմ  անհրաժեշտ է: Իրանի միջուկային հարցի բանակցությունների հաջորդ փուլը տեղի կունենա օգոստոսին:

Նախորդ անարդյունավետ բանակցություններից հետո, որը տեղի էր ունեցել Մոսկվայում, աղբյուրը հայտնել էր, որ ԱՄՆ-ն իմաստ չի տեսնում խնդրի հետագա դիվանագիտական ճանապարհով լուծում որոնելու մեջ: Իսկ եթե բանակցությունները դադարեցվեն, ապա դա վերջնականապես կհամոզի իսրայելական արծիվներին Իրանին հարվածելու անհրաժեշտությունը:

Մոսկվան միշտ հանդես է եկել պատժամիջոցների դեմ եւ կողմ է եղել ԻՐանի հետ բանակցություններին: ՌԴ-ում Իրանի դեսպան Սայեդ Մահմուդ Ռեզա Սաջադին հայտնել է, որ Թեհրանը Մոսկվայից պահանջում է  ոչ թե $4 միլիարդ դոլար, այլ` 900 միլիոն: 

Սակայն փորձագետները կարծում են, որ դա չէր կարող տեղի ունենալ առանց Իրանի իմացության:  «Դեռեւս Իրանի հետ բանակցությունները հեշտ չեն, սակայն մենք հուսով ենք, որ  կհաջողվի պայմանավորվածության գալ»,— հայտարարել է Կրեմլի մեկ այլ աղբյուր: