նախընտրելի դարձնելԲաշար Ասադի հեռացումը կարող է բերել լուրջ եւ անկանխատեսելի գործընթացների ոչ միայն Սիրիայում, այլեւ Ռուսաստանում եւ Իրանում: Այս մասին այսօր` օգոստոսի 16-ին, մամուլի ասուլիսի ժամանակ հայտնել է «Քրիստոնեա-դեմոկրատական միություն» կուսակցության առաջնորդ, Հայաստանի Հանրապետական կուսակցության կազմում խորհրդարանի պատգամավոր ընտրված Խոսրով Հարությունյանը:
«Այս իրավիճակը վաղուց վերածվել է միայն Սիրիայի խնդիրը լինելուց, եւ տվյալ դեպքում խոսքը գնում է Մերձավոր Արեւելքում հնարավոր ավելի մեծ գործընթացների մասին, որոնց մեջ հետաքրքրված չեն այնպիսի երկրներ, ինչպիսիք են Ռուսաստանը, Իրանը եւ Չինաստանը: Այդ պատճառով Ասադի հեռացումը քիչ հավանական է թվում», - ասաց նա:
Պատասխանելով այն հարցին, արդյոք Հայաստանի իշխանությունները ձեռնարկել են պատշաճ միջոցներ Սիրիայի հայերին աջակցելու նպատակով, Հարությունյանը նշեց, որ երկրի ղեկավարությունը մի շարք որոշումներ է ընդունել, որոնց շնորհիվ հեշտացվել է սիրիահայության պատմական հայրենիք տեղափոխվելու հնարավորությունները: «Սակայն իրականում Հայաստան տեղափոխվել ցանկացող հայերի թիվը այնքան էլ մեծ չէ, ինչպես դա փորձում են ներկայացնել: Պետք չէ մտածել, որ Հայաստանը միակ հնարավորությունն է սիրիահայերի համար, քանի որ նրանցից շատերը գերադասում են գնալ այլ երկրներ, օրինակ, ԱՄՆ եւ Լիբանան», -նկատել է Հարությունյանը:
