նախընտրելի դարձնելԵրեկ` օգոստոսի 28-ին, ժամը 18:30-ի սահմաններում վրաերթ է տեղի ունեցել Տավուշի մարզում: Ինչպես հայտնում է NEWS.am-ի Տավուշի թղթակիցը, Վանաձոր-Վրաստանի Հանրապետություն ավտոճանապարհի 78-րդ կմ-ին Արմավիր քաղաքի բնակիչ` 30-ամյա Աշոտ Սաֆարյանը, վարելով «Ֆորդ Տրանզիտ» մակնիշի 30 ՕԼ 454 համարանիշի ավտոմեքենան, դուրս է եկել ճանապարհի երթեւեկելի գոտուց եւ բախվել Տավուշի մարզի Արճիս գյուղի բնակիչ` 63-ամյա Սարգիս Ավագյանի կայանած «ՎԱԶ-2106» մակնիշի 15 ՕՏ 598 համարանիշի` ավտոմեքենայի բացված դռանը, ինչի արդյուքնում վրաերթի է ենթարկել մրգեր վաճառող` Արճիս գյուղի բնակիչ, 57-ամյա Մելինե Ավագյանին:
Դեպքից հետո վարորդը բախվել է սյանը, այնուհետ վիրավորն թողնելով անօգնական վիճակում, հեռացել: Մելինե Ավագյանը զույգ ոտքերի վնասվածքային ամպուտացիա ախորոշմամբ, տեղափոխվել է Նոյեմբերյանի բժշկական կենտրոն, որտեղ եւ գիշերը մահացել է:
Տավուշի մարզի քննչական բաժնում հարուցվել է քրեական գործ` քրեական օրենսգրքի 242 հոդվածի 2-րդ մասի (Ճանապարհային երթեւեկության եւ տրանսպորտային միջոցների շահագործման կաննոները խախտելը, որն ազգուշությամբ առաջացրել է մարդու մահ) եւ 244 հոդվածի (Ճանապարհատրանսպորտային պատահարի վայրը թողնելը) հատկանիշներով:
