նախընտրելի դարձնելԱզգային ժողովի էթիկայի հանձնաժողովը մերժել է թե ԲՀԿ-ական պատգամավոր Կարո Կարապետյանի, թե ԱԺ փոխնախագահ Էդուարդ Շարմազանովի եւ ՀՅԴ-ական պատգամավոր Արծվիկ Մինասյանի դեմ ներկայացված դիմումները: Այս մասին NEWS.am-ի թղթակցի հետ զրույցում ասաց «Ժառանգություն» խմբակցության պատգամավոր, Էթիկայի հանձնաժողովի անդամ Զարուհի Փոստանջյանը:
Նրա փոխանցմամբ` երկու դիմումներն էլ մերժել են քննություն ընդունել, քանի որ ենթադրյալ խախտումները, որոնք կարող էր էթիկայի հանձնաժողովը անդրադառնալ, տեղի են ունեցել մինչեւ օրենքի ընդունումը:
Նշենք, որ Էդուարդ Շարմազանովի եւ Արծվիկ Մինասյանի դեմ դիմում էր ներկայացրել PINK հասարակական կազմակերպությունը` երեւանյան DIY ակումբի պայթեցման հետ կապված նշված երկու պատգամավորների արած հայտարարությունների առնչությամբ։
Իսկ Կարո Կարապետյանի դեմ դիմում էր ներկայացրել Արարատի մարզի Դվին գյուղի բնակիչ Արթուր Զադոյան Ըստ լրատվամիջոցներում տարածված տեղեկությունների` Զադոյանի վրա 2010թ կրակել էր ԲՀԿ-ական պատգամավորը, բայց հենց Զադոյանին էր մեղադրանք առաջադրվել` դիտավորությամբ պատգմավորի առողջությանը միջին ծանրության վնաս պատճառելու համար: Զադոյանի պնդմամբ, քրգործի շրջանակներում ձեռք բերված ապացույցները բավարար են` Կարապետյանին սպանության փորձ կատարելու մեղադրանք առաջադրելու համար:
