նախընտրելի դարձնել
Հայաստանում պետական ծառայողների բժշկական ապահովագրության վճարների մոտավոր ծավալը 2012թ. 8 ամիսներին կազմել է 1,3 մլրդ դրամ (շուրջ 3,15մլն դոլար): Ինչպես սեպտեմբերի 11-ի մամուլի ասուլիսում նշեց «ԻՆԳՈ Արմենիա» ընկերության գործադիր տնօրեն Լեւոն Ալթունյանը, ընկերությունում ապահովագրված է 120 հազար պետական ծառայողների 38%-ը: Ընկերության վճարումների ծավալը կազմել է 0,5 մլրդ դրամ: Հետեւաբար, ամբողջ շուկայում տվյալ պահին վճարումների ծավալը կաող է կազմել մոտ 1,3 մլրդ դրամ: Բժշկական ապահովագրությունը, հավելել է Ալթունյանը, առայժմ խոշոր եկամուտ չի բերում. «Աշխատելով այդ ոլորտում` ցանկանում ենք ապացուցել մեր հիմնական թեզիսը. ապահովագրական ընկերությունը վճարում է միշտ»: Պետական ծառայողներին ընկերության տրամադրած փոխհատուցումների ծավալը կազմել է 1 մլն դրամ` 54 դեպք:
Խոսելով պարտադիր բժշկական ապահովագրության ներդրման նախագծի մասին` Ալթունյանը նշել է, որ վերջերս «ԻՆԳՈ Արմենիայի» ներկայացուցիչները հանդիպել է Հայաստանի ֆինանսական օմբուդսմենի հետ: Հանդիպման ժամանակ առաջարկվել է կիրառել ամերիկյան փորձը:
Պատասխանելով բժշկական պատմությունների բազայի առկայության վերաբերյալ NEWS.am-ի թղթակցի հարցին, Ալթունյանը նշել է, որ նման բազա ընկերությունը պահում է ինքնուրույն, ինչպես նաեւ փոխանակվում է տվյալներով մի շարք ընկերությունների հետ: Սակայն այդ փոխանակությունը երկկողմ, այլ ոչ թե բազմակողմ բնույթ է կրում, այսինքն մեկ ռեգիստր գոյությու չունի: Այդ պատճառով էլ որոշ ժամանակ անց ընկերությունը կունենա առավել կամ նվազ լի բազա:
Ինչ վերաբերում է բարձրացող-նվազող գործակիցներին, ապա այդպիսիններն այստեղ կկիրառվեն ավելի քիչ: «Ինչ վերաբերում է քրոնիկական հիվանդություններին, ապա 15-20 տարի անց նրանք լիովին կընդգրկվեն մեր ապահովագրության մեջ», – ավելացրել է Ալթունյանը:
Նշենք, որ «ԻՆԳՈ Արմենիայի» բաժնետոմսերի 75%-ը ռուսական «Ինգոսստրախ» ընկերությանն են, 25%-ը` Լեւոն Ալթունյանինը: Մինչեւ տարեվերջ ընկերությունը նախատեսում է գրավել ապահովագրական ոլորտի առաջին տեղը (9,2 միլիարդ դրամ կամ $22,3 միլիոն):
