ՆախընտրելիԲրիտանացի գիտնականները Բրադֆորդում Լրատվամիջոցների եւ տեխնոլոգիաների ազգային թանգարանի արխիվում հայտնաբերել են աշխարհի ամենահին գունավոր տեսաժապավենը:
Նախկինում ամենահին գունավոր ժապավենը թվագրվում էր 1909 թ-ով, սակայն պարզվել է, որ գունավոր կինոյի գյուտը բացահայտվել եւ արտոնագրվել է 10 տարի առաջ` 1899 թ-ին, լուսանկարիչ Էդվարդ Ռեյմոնդ Թերների կողմից: Հենց նրա կարճամետրաժ նկարահանումներն են 1902 թ-ից փոշոտվել թանգարանի պահարաններում:
Ցավոք, պրոեկցիոն համակարգը ավարտին չէր հասցվել, Թերները մահացել է 1902 թ-ին` անգամ չհասցնելով դիտել իր նկարահանած նյութը: Սակայն ժամանակակից համակարգիչները կարողացել են ավարտին հասցնել բրիտանացու կիսատ թողած գործը եւ շարժման մեջ դնել ժապավենը:
Այսօր աշխարհի ամենահին գունավոր ֆիլմը, որտեղ գյուտարարի երեխաները խաղում են արեւածաղիկներով, կարելի է դիտել Բրադֆորդի թանգարանի գրադարանում:
