նախընտրելի դարձնել
Մոսկվայի Նագատինի շրջանի դատարանը կալանավորելու որոշում է կայացրել «Մայակ» ռադիոկայանի հայազգի լրագրող Սերգեյ Ասլանյանի վրա հարձակված անձի նկատմամբ:
Դատարանը արտոնել է Քամոլէդդին Համիդովի կալանքը մինչեւ հոկտեմբերի 23-ը:
Հարձակվողը թաքնվում էր հայրենի Ղրղըզստանում, սակայն օրերս անձնական գործերով եկել էր Չելյաբինսկ, որտեղ էլ ձերբակալվել էր:
Ինչպես ավելի վաղ հայտնել էր NEWS.am-ը, մայիսի 28-ին, ժամը 23.15-ին Չերտանովի փողոցի տան շքամուտքում լրագրող Սերգեյ Ասլանյանի վրա հարձակում էր տեղի ունեցել: Լրագրողն ստացել էր դանակի 20-ից ավելի հարվածներ եւ ուղեղի ցնցում: Հարձակվողը տուժածի վրա էր հարձակվել «Դու չես սիրում Ալլահին» ճիչով:
Հարձակման պատճառ էր դարձել մայիսի 14-ին Ասլանյանի եթերը ռադիո «Մայակով», որի ժամանակ լրագրողը արհամարհական ձեւով էր պատմել Մուհամեդ մարգարեի կենսագրությունը` նրա հասցեին կիրառելով «կեղտից դառավ իշխան» արտահայտությունը: Ասլանյանը Մուհամեդին անվանել էր գործարար, պատմել, որ նա «վերաշարադրել է Աստվածաշունչն ինպես կարողացել է», ու «այժմ բոլորը գիտեն, ոչ Մուհամեդը շուկայի մանրածախ վաճառական չի եղել, այլ քաղաքական խոշոր գործիչ»:
