Բնակչությանը մատուցված ծառայությունների ոլորտում 2012թ. սեպտեմբերին օգոստոսի համեմատ արձանագրվել է սակագների 0.1%  հավելաճ:  Այդ մասին նշված է ՀՀ ազգային վիճակագրական ծառայության հրապարակման մեջ: Նշված ժամանակահատվածում հանրապետությունում գրանցվել է իրավական ու բանկային ծառայությունների սակագների` 0.1%, հանրային սննդի`0.3%,  բուժսպասարկման`0.3%,  մշակույթի ոլորտի`0.3%,  կենցաղային բնույթի`0.4%, տրանսպորտի`1.4%,  կրթության համակարգի ծառայությունների սակագների` 4.8%  հավելաճ:

Սակայն որոշ ծառայություններ սեպտեմբերին էժանացել են: Սեզոնայնությամբ պայմանավորված` հանգստի կազմակերպման ծառայություներն էժանացել են 0.4%-ով: Գազի գնի մասնակի սուբսիդավորմամբ պայմանավորված` նվազել են բնակարանային-կոմունալ ծառայությունների սակագները: