նախընտրելի դարձնելՀայաստանում ԱՄՆ-ի դեսպան Ջոն Հեֆֆերնը ներկայացրել է հերթական տեսաբլոգը, որի թեման եղել է ձեռներեց կանայք:
Դեսպանը պատմել է, որ նա եւ իր կինը վերջերս այցելել են մի քանի միջոցառումներ, որոնց նպատակը կանանց շրջանակում ձեռներեցության առաջխաղացումն է եղել: Նրա խոսքով, ԱՄՆ-ի դեսպանատունը հասարակական կազմակերպությունների հետ միասին աշխատում է բիզնեսի, գյուղատնտեսության եւ տնտեսական շուկայում կնոջ դերի բարձրացման ուղղությամբ:
«Հայաստանի կանայք չտեսնված տաղանդավոր են»,- նշել է նա:
Դեսպանի խոսքով, կին ձեռներեցներին, այնպես ինչպես բոլոր բիզնեսմեններին, հարկային ոլորտում եւ մաքսային գործում մրցակցություն, թափանցիկություն եւ կանխատեսելիություն եւ դատական անկախ համակարգ է անհրաժեշտ:
Դեսպանը ընդգծել է, որ ԱՄՆ-ի դեսպանատունը ԱՄՆ-ի Միջազգային զարգացման գործակալության հետ միասին (USAID) մշակել են տարածաշրջանում ձեռներեց կանանց աջակցության մի քանի ծրագրեր:
