նախընտրելի դարձնելՌուսաստանի Պետական դումայի նախկին պատգամավոր Գենադի Գուդկովն առանց Գերագույն կամ Սահմանադրական դատարանի արդարացնող դատավճռի չի պատրաստվում խորհրդարան վերադառնալ: Նա հայտնել է, որ իրեն առաջարկել են «ջրել» մանդատից զրկվելու պատմությունը եւ «սուսուփուս» անցնել լիազորությունների կատարմանը:
Գուդկովի պնդմամբ` խորհրդարանականի կարգավիճակը վերադարձնելն իրեն առաջարկել են ԿԸՀ-ի մակարդակով: Իբրեւ թե դրա համար բավական է, որ նախկին պատգամավորին փոխարինած Օ. Տարնավսկին համաձայնի հանձնել վերջերս ստացած մանդատը,- գրում է rbc-ն:
Սակայն Գուդկովը կարծում է, որ իշխանություններն ինչպես որ ապօրինաբար խլեցին մանդատը, այնպես էլ թող տակից դուրս գան:
«Թող իրենք մտածեն` ինչպես դուրս գալ իրավիճակից: Նրանք պատմության մեջ են ընկել, նահանջի համար օրինական ընթացակարգ չկա», - նշել է նա:
Հիշեցնենք, հոկտեմբերի 31-ին Ռուսաստանի գլխավոր դատախազությունը անհիմն է ճանաչել նախկին պատգամավոր Գենադի Գուդկովին ապօրինի ձեռներեցությամբ եւ հարկային հանցագործությունների մեղադրանքով մանդատից զրկելը:
