նախընտրելի դարձնել
Հալեպում առեւանգված հայ պատանդները ողջ-առողջ են: Ըստ Սիրիայի հայ համայնքի տվյալների` նրանցից մեկին` Ժորժ Ռաբաթին, ազատ են արձակել:
Միաժամանակ այսօր նույն տեղից` Էդլիբ նահանգի Սարաքիբ բնակավայրից առեւանգել են եւս մեկ հայի` Սաքո Կոզնանին:
Բացի այդ, քիչ առաջ Հալեպի Վիլաներ թաղամասում պատահական գնդակից զոհվել է եւս մեկ հայ` 1968թ. ծնված Վարդան Խաչատրյանը:
Ավելի վաղ NEWS.am-ը հայտնել էր, որ հոկտեմբերի 29-ին զինյալները կանգնեցրել էին քաղաքացիական ավտոբուսը, որը Հալեպից Բեյրութ էր ուղեւորվել, եւ պատանդ էին վերցրել 10 մարդու: Պատանդներից 7-ը հայեր էին, մնացած երեքը` քրիստոնյա արաբներ: Ընդդիմության զինյալները պահանջում էին ազատել իրենց 150 համախոհներին` սպառնալով 3 օրվա ընթացքում իրենց պահանջը չկատարելու դեպքում սպանել պատանդներին:
Խոսքը Կարո Փամփալյանի, Արսեն Արոյանի, Լեւոն Զեյթունյանի, Բաշար եւ Ժորժ (հայր եւ որդի) Ռաբաթների մասին էր:
