նախընտրելի դարձնելՄիջազգային իրավապաշտպան Human Rights Watch կազմակերպությունը Ադրբեջանի վերաբերյալ հայտարարությամբ է հանդես եկել, որում ասվում է, որ երկրում 8 լրագրողներ եւ 3 իրավապաշտպաններ բանտում են գտնվում, սահմանափակ է խոսքի ազատությունը, բայց միեւնույն ժամանակ երկրում ՄԱԿ-ի հովանու ներքո անցկացվում է Համացանցի կառավարման համաժողով (IGF):
Նոյեմբերի 6-9-ը ՄԱԿ-ի հովանու ներքո Համացանցի կառավարման համաժողովի ընթացքում կքննարկվեն համացանցի ոլորտում պետական քաղաքականության հարցեր` մարդկային զարգացման ապահովման նպատակով, հաղորդում է contact.az-ը:
HRW-ի պատրաստած 10-էջանոց փաստաթղթում նշված է, որ լրագրողները եւ իրավապաշտպաններն Ադրբեջանում ձերբակալվում եւ հետապնդվում են իրենց գործունեության համար: Կազմակերպությունը ՄԱԿ-ի գլխավոր քատուղար Բան Կի Մունին կոչ է անում Ադրբեջանի կառավարությանը հիշեցնել մարդու իրավունքների պահպանման իր պարտականությունները:
