Ֆրանսիական Սեվրանի քաղաքապետ Ստեֆան Գատինիոնը հացադուլ է անում Ֆրանսիայի խորհրդարանի շենքի մոտ: Քաղաքապետը հանդես է գալիս իր տեղական վարչակազմի բյուջետային դոտացիան մեծացնելու պահանջով:

Իր բողոքի ակցիան քաղաքապետն սկսել է նոյեմբերի 9-ին` խփելով իր վրանը Բուրբոնյան պալատի առջեւ: Նոյեմբերի  13-ին պատգամավորները պետք է քվեարկությամբ հաստատեն դոտացիաների չափերը:

Նոյեմբերի 10 –ին հացադուլ հայտարարած քաղաքապետի հետ է հանդիպել ՆԳ նախարար Մանուել Վալսը, ով քաղաքապետին զորակցություն է  հայտնել, գրում է  NEWSru.com-ը:

Գատինիոնը պահանջումէ  կրկնապատկել քաղաքային զարգացման համար նախատեսված 50 մլն եվրոն, ինչպես նաեւ ավելացնել քաղաքային համերաշխության համար տրվող դոտացիան` 120 մլն եվրոյից հասցնելով 180 մլնի, այլապես նրա քաղաքը կսնանկանա: