նախընտրելի դարձնելԸնդդիմադիր Հայ ազգային կոնգրեսի նախաձեռնությամբ հրավիրված խորհրդարանի արտահերթ նիստը չկայացավ:
Կանոնադրությամբ սահմանված երեք ժամվա ընթացքում անհրաժեշտ թվով պատգամավորներ չեն գրանցվել: Խորհրդարանի փոխխոսնակ Էդուարդ Շարմազանովը հայտնել է, որ գրանցվել է 46 պատգամավոր՝ անհրաժեշտ 66-ի փոխարեն:
Նշենք, որ Հայաստանի Հանրապետական կուսակցության եւ նրա կոալիցիոն գործընկեր «Օրինաց երկիր» խմբակցությունների պատգամավորները չեն մասնակցել նիստին: «Բարգավաճ Հայաստան» կուսակցությունից բացակայել են առաջնորդ, խմբակցության ղեկավար Գագիկ Ծառուկյանը եւ եւս երկու պատգամավոր: Բացի դրանից, ՀԱԿ-ից բացակայել է Հայաստանի ժողովրդական կուսակցության առաջնորդ Ստեփան Դեմիրճյանը, որը վիրահատվել էր:
