Լեռնային Ղարաբաղի Հանրապետության  արտգործնախարար Կարեն Միրզոյանը դեկտեմբերի 6-ին այցելել է Վաշինգտոնում Հայաստանի դեսպանատուն, որտեղ նա հանդիպել է ՀՀ դեսպան Թաթուլ Մարգարյանի եւ դեսպանության աշխատակցների հետ:

ԼՂՀ ԱԳՆ մամուլի ծառայությունից հայտնում են, որ հայ դիվանագետների հետ հանդիպումից հետո արտգործնախարար Միրզոյանը հանդիպել է Վաշինգտոնում գործող ամերիկահայ կազմակերպությունների եւ հոգեւորականության ներկայացուցիչների հետ:  Հանդիպման ընթացքում քննարկվել են ղարաբաղա- ադրբեջանական հակամարտության բանակցությունների ներկա փուլին առնչվող հարցեր: Նախարարը ներկայացրել է նաեւ երկրի համակողմանի զարգացումն ապահովելու ուղղությամբ Արցախի իշխանությունների կողմից ձեռնարկվող քայլերը:

Օրվա երկրորդ կեսին  ԼՂՀ ԱԳ նախարարը մասնակցել է ղարաբաղյան հակամարտության կարգավորման թեմայով փակ քննարկմանը, որը կազմակերպել էր Միջազգային խաղաղության Կարնեգի հիմնադրամը` տարածաշրջանային փորձագետների, գիտնականների եւ Վաշինգտոնում գործող հետազոտական կենտրոնների ներկայացուցիչների մասնակցությամբ: