Նախընտրելի
Վարչապետ Տիգրան Սարգսյանը դեկտեմբերի 12-ին հանդիպել է ԱՄՆ Մասաչուսեթսի նահանգապետ Դեվալ Պատրիկին:
Ինչպես NEWS.am-ին հայտնեցին կառավարության մամուլի ծառայությունից, կառավարության ղեկավարը Հայաստանի նախագահ Սերժ Սարգսյանի անունից Մասաչուսեթսի նահանգապետին է փոխանցել Մխիթար Գոշի մեդալը:
Սարգսյանը շնորհակալություն է հայտնել Դեվալ Պատրիկին Հայոց մեծ եղեռնի զոհերի հիշատակն հավերժացնող հուշարձանի կառուցման գործում ցուցաբերած աջակցության համար։
Նահանգապետը վարչապետին խնդրել է իր երախտագիտության խոսքերը հայտնել Հայաստանի նախագահին շքանշանի համար։
Հանդիպման ընթացքում զրուցակիցները քննարկել են համագործակցության հեռանկարները: Մասաչուսեթսի նահանգապետը բարձր է գնահատել հայ համայնքի դերն ու ներգրավվածությունը նահանգի կյանքում:
Հանդիպումից հետո Տիգրան Սարգսյանն այցելել է Բոստոն քաղաքի Հայկական ժառանգության պուրակ եւ ծաղիկներ դրել Հայոց ցեղասպանության անմեղ զոհերի հիշատակը հավերժացնող հուշարձանին։
