նախընտրելի դարձնելNEWS.am-ը որոշալի կրճատումներով ներկայացնում է Ադրբեջանում բնակվող գրող եւ այլախոհ Էմին Միլիի եւ բրիտանաադրբեջանցի ակտիվիստ ու Մեծ Բրիտանիայում ադրբեջանական ժողովրդավարական ասոցիացիայի տնօրեն Մուրադ Հասանլիի հոդվածը, որը հրապարակվել է EurasiaNet.org կայքում:
Թեեւ 2009թ. Ադրբեջանի Սահմանադրության մեջ կատարված հակասական եւ վիճելի փոփոխություններին, որոնցով իբր հանվում է նախագահական ժամկետի սահմանափակումը, 2013թ. նախագահական ընտրություններում Իլհամ Ալիեւի առաջադրման հարցը կասկածելի է մնում:
Սահմանադրական փոփոխությունները կատարվել էին 2008թ. նախագահի պաշտոնում Ալիեւի «վերընտրությունից» հետո: Նա նախագահական երդում է տվել այդ ժամանակ գործող Սահմանդրության վրա, որը երկու անգամ անընդմեջ ընտրվելու ժամկետ էր սահմանում:
Այսպիսով, Իլհամ Ալիեւը երրորդ անգամ նախագահի պաշտոնում չառաջադրվելու իրավական պարտավորություն պետք է ունենա: Նրա նման մտադրությունը դատական վեճերի օբյեկտ է, որը ներկայումս նախապատրաստվում է ընդդիմության հնարավոր թեկնածուների կողմից` միջազգային դատական քննարկման հնարավորությամբ, եթե ներքին իրավական գործընթացներն ազատ եւ արդար չլինեն: Հաշվի առնելով Ադրբեջանի կոռումպացվածությունը, գործն ամենայն հավականությամբ կավարտվի Մարդու իրավունքների եվրոպական դատարանում:
Արդյոք տարօրինակ չէ, որ Ադրբեջանում Եվրամիության պատվիրակության ղեկավար Ռոնալդ Կոբիան դեկտեմբերի 5 –ին փաստորեն հավանություն տվեց Ալիեւի երրորդ ժամկետին: Ինչու էր ԵՄ դեսպանը նման հայտարարությամբ հանդես եկել, երբ այս տարեսկզբին Եվրախորհրդարանը Ադրբեջանում մարդու իրավունքների խախտումների դեպքերը դատապարտող հայտարարություն էր ընդունել:
Տեղի ադրբեջանցի ակտիվիստները ենթադրում են, թե Կոբիայի հայտարարության դրդապատճառն ավելի շատ կապված է տարբեր էներգետիկ գործարքներով, որոնք ԵՄ –ն հուսահատորեն ձգտում է ստորագրել նախագահ Ալիեւի հետ:
Նման ուղերձը կարող է ոչ միայն վնասել Եվրամիության հեղինակությունը Ադրբեջանի քաղաքացիների աչքում, այլ նաեւ կասկածի տակ դնել ԵՄ անաչառությունն առաջիկա ընտրություններում:
Ադբեջանցի հայտնի փաստաբան, «ՌԵԱԼ» ընդդիմադիր շարժման առաջնորդներից Էրքին Գադիրլին պնդում է, որ Ալիեւը սահմանադրական իրավունք չունի երրորդ անգամ առաջադրվելու եւ ԵՄ դեսպան Կոբիան պետք է հեռանա Ադրբեջանից:
Տվյալ փուլում Բրյուսելում Կոբիայի ղեկավարները եւ Եվրոպական արտաքին քաղաքական ծառայությունը, ինչպես նաեւ ԵՄ գերագոոյն ներկայացուցիչ Քեթրիրն Էշթոնը պետք է միջամտեն եւ փորձեն սահմանափակել վնասը: Ակնհայտ է, որ դեսպան Կոբիայի դիրքորոշումը, որպես ԵՄ պատվիրակության ղեկավարի, որեւէ քննադատության չի դիմանում եւ այն պետք է ետ կանչվի:
Ադրբեջանում Եվրոպայի երկարաժամկետ շահերն ու ներկայությունը սպառնալիքի տակ են:
