նախընտրելի դարձնելԼուիզիանայի քիմիական գործարանում տեղի ունեցած պայթյունի հետեւանքով զոհվել է մեկ, եւ վիրավորվել ութ մարդ: Միջադեպը տեղի է ունեցել հունիսի 14-ի երեկոյան` Դոնալդսոնվիլ քաղաքի CF Industries ընկերության արտադրամասում: Երկու վիրավորների վիճակը ծանր է:
Ըստ տեղի լրատվամիջոցների` պայթյունի պատճառ է դարձել բեռնատարներից մեկը, որի վրա բեռնելիս են եղել CF industries-ի արտադրանքը: Այժմ դեպքի վայրում աշխատում են փրկարարները եւ շտապօգնությունը, հայտնում է RT-ն:
CF industries-ը ԱՄՆ-ում ազոտի եւ ազոտ պարունակող նյութերի արտադրությամբ զբաղվող ամենախոշոր ընկերությունն է: Այն տարեկան շուրջ 5 միլիոն տոննա ամոնիակ է մատակարարում գյուղատնտեսական եւ արդյունաբերական կարիքների համար:
Հունիսի 13-ին հզոր պայթյուն էր տեղի ունեցել նաեւ Լուիզիանա նահանգի Գեյսմար բնակավայրի քիմիական գործարանում: Զոհվել էր մեկ մարդ, վիրավորվել` 70-ը: Պայթյունի հետեւանքով գործարանում հրդեհ էր բռնկվել, մարդկանց տարհանել էին: Պայթյունի պահին գործարանում 600 մարդ էր եղել: Ձեռնարկությունն արտադրում է էթիլեն եւ պրոպիլեն:
