նախընտրելի դարձնել
Ուկրաինայի եկամուտների եւ գանձումների նախարարությունը մանկական պոռնկագրություն եւ այլ անօրինական բովանդակությամբ նյութեր է գտել հունիսի վերջին «ՎԿոնտակտե» սոցցանցի կասեցված սերվերներում:
Նախարարությունը հայտնաբերել է մանկական պոռնկագրական հոլովակներ, ինչպես նաեւ բռնություն քարոզող նյութեր: Հունիսի 14-ից 26-ն ընկած ժամանակահատվածում արգելված նյութերը դիտել է 31 միլիոն օգտվող, հայտնում է «Ինտերֆաքս Ուկրաինան»:
«ՎԿոնտակտեի» մամուլի ծառայությունը հրաժարվել է մեկնաբանել իր սերվերներում անօրինական նյութերի հայտնաբերման փաստը: Ընդ որում, սոցցանցի տեխնիկական տնօրեն Նիկոլայ Դուրովն իր էջում կասկածի տակ է դրել արգելված նյութերի դիտումների թիվը:
Ուկրաինայի ոստիկանության կողմից «ՎԿոնտակտեի» կասեցված սերվերների մասին հայտնի էր դարձել 2013թ. հունիսի վերջին` Նիկոլայ Դուրովի գրառումից:
Կիեւում կասեցրել են «ՎԿոնտակտեի» սերվերները
Ըստ սոցցանցի գլխավոր տնօրեն Պավել Դուրովի` կասեցված սարքերի արժեքը կազմում է կես միլիոն դոլար:
