նախընտրելի դարձնելԱրդեն 7 տարի է Շանհայում Սուրբ Ծննդյան օրը բոլոր ցանկացողները տեղի մարզադաշտում մասնակցում են բարձերով կռվին:
Երիտասարդ շատ մասնակիցներ նշում են, որ բարձերով կռիվն օգնում է ազատվել սթրեսից, բարձրացնել տրամադրությունը, թուլացնել նյարդերը եւ հանգստանալ:
Ամենամյա ավանդույթին հիմնականում մասնակցում են ուսանողներն ու գրասենյակային աշխատողները:
Մասնակիցներից մեկը նշել է, որ բարձերով կռիվը մեղմ բռնության տեսակ է, որն օգնում է` առանց որեւէ մեկին վնասելու, դուրս հանել ամբողջ տարվա ընթացքում կուտակված տխրությունն ու դժգոհությունը:
NTD Russian-ը տեղեկացնում է, որ սկզբում նախատեսված էր, որ յուրաքանչյուր կռիվ տեւելու է 10 րոպե եւ ունենալու է տարբեր կանոններով 10 մրցափուլեր: Սակայն հետո կազմակերպիչները հասկացել են, որ մասնակիցներին անհնար է իրարից բաժանել եւ որեւէ կանոն մտցնել:
