նախընտրելի դարձնելԱՄՆ-ի մասնագետները գենետիկորեն մոդիֆիկացված բրնձի նոր տեսակ են ստեղծել, որը աճում է նաեւ երաշտի պայմաններում եւ աղակալած ցանքատարածքներում, գրված է New Sсientist շաբաթաթերթում:
ՄԱԿ-ի մասնագետների հաշվարկներով՝ ամեն տարի աշխարհում երաշտի հետեւանքով 13 մլրդ դոլարի բրինձ է ոչնչանում: Եվս մեկ միլիարդին համարժեք բերք է փչանում ցանքատարածությունների աղակալման պատճառով:
Այժմ առաջադեմ լաբորատորիաներում գիտնականները բրնձի առավել կայուն տեսակներ ստեղծելու ուղղությամբ են աշխատում: Քալիֆորնիացի մասնագետները նման բրնձի ստեղծման համար գարու, ջրկոտեմի եւ հողային մանրէներից մեկի գեներ են օգտագործել:
Վերջին երկու տարում անցկացված փորձնական ցանքսը ցույց է տվել, որ բերքը 12% - 42% ավելի է ստացվում, քան համանման պայմաններում աճեցված սովորական բրինձը, հայտնում է ԻՏԱՌ-ՏԱՍՍ-ը:
