նախընտրելի դարձնելԼեռնային Ղարաբաղ-Ղրիմ թեզիսը չափազանց վնասակար է Հայաստանի ներքին եւ արտաքին քաղաքականության համար, քանի որ միջազգային տեսանկյունից այս երկու խնդիրները համեմատելի չեն: Այս մասին մարտի 10-ի մամուլի ասուլիսում հայտարարել է «Ազատ դեմոկրատներ» կուսակցության փոխնախագահ Անուշ Սեդրակյանը:
Ըստ նրա` Ուկրաինայի ներկայիս իրադարձությունները Հայաստանին եւս վերաբերում են այն պատճառով, որ մի շարք հայ վերլուծաբաններ Ղրիմի իրավիճակը փորձում են համեմատել Լեռնային Ղարաբաղի հետ: «Հայտնի է, որ հետխորհրդային տարածքում յուրաքանչյուր հիմնախնդիր միանգամայն տարբեր կերպ է լուծվում», - նշել է Անուշ Սեդրակյանը:
Ըստ նրա` Ղրիմի հարցում Ռուսաստանը «բացարձակ ագրեսիայի է անցել»: «Դա կդառնա Ռուսաստանի դիվանագիտական մեկուսացման պատճառ: Այդ դեպքում Հայաստանը ՄՄ-ի հետ` որպես կառույցի ապագա անդամ, նույնպես մեկուսացման մեջ կհայտնվի: Բացի միջազգային մեկուսացումից, մենք կարող ենք մեկուսացվել նաեւ տարածաշրջանային տեսանկյունից», - ընդգծել է Անուշ Սեդրակյանը:
Նշենք, որ Ղրիմը 1954թ. Ուկրաինայի կազմում էր հայտնվել խորհրդային կենտրոնական ղեկավարության որոշմամբ, ճիշտ նույնպես 1923թ. Լեռնային Ղարաբաղն ընդգրկել էին Ադրբեջանի կազմում:
