ՆախընտրելիԹուրքիայի եւ Ռուսաստանի վարչապետների մասնակցությամբ հունիսի 8-ին Թուրքիայի Էներգետիկայի նախարար Թաներ Յըլդըզի եւ ՌԴ փոխվարչապետ Իգոր Սեչինի, Թուրքիայի ատոմային էներգետիկայի խորհրդի (TAEK) եւ «Ռոստեխնադզոր»-ի միջեւ համագործակցության համաձայնագիր է ստորագրվել:
Թուրքական Samanyolu-ի փոխանցմամբ` ստորագրված համաձայնագիրը ներառում է համագործակցություն ատոմային էներգետիկայի մի շարք ոլորտներում, այդ թվում` ատոմակայանների անձնակազմերի որակավորման բարձրացման, ռադիացիայից պաշտպանվելու, օգտագործված ռադիոակտիվ վառելիքի հետագա տնօրինման եւ այլ ն:
Ստորագրման միջոցառումից հետո Թուրքիայի վարչապետ Ռեջեփ Թայիփ Էրդողանը նշել է, որ Ռուսաստանի եւ Թուրքիայի միջեւ զարգացող տնտեսական, քաղաքական եւ մշակույթային հարաբերությունները հասել են դեռեւս չգերազանցված մակարդակի:
«Համաշխարհային տնտեսական ճգնաժամի պատճառով 2009-ին ռուս-թուրքական ապրանքաշրջանառությունը նվազել էր մինչեւ 23 մլրդ դոլարի: Հուսով ենք այդ թիվը կհասնի մեր համատեղ նախանշած 100 մլրդի սահմանագիծը»,-նշել է Թուրքիայի վարչապետը:
