նախընտրելի դարձնել
Հայաստանը 65-րդ տեղն է զբաղեցրել Ինովացիաների գլոբալ ինդեքս-2014-ում (Global Innovation Index 2014)՝ հավաքելով 36.06 բալ՝ 100 հնարավորից:
Հայաստանը նաեւ 4-րդ տեղն է զբաղեցնում ցածր եւ միջին եկամուտներ ունեցող երկրների խմբում, որում ներառված են նաեւ Մոլդովան, Ուկրաինան, Մոնղոլիան, Վրաստանը, Վիետնամը, Հնդկաստանը:
Նշենք, որ Ինովացիաների գլոբալ ինդեքսում Հայաստանը զիջել է դիրքերը նախորդ տարվա համեմատ, երբ զբաղեցրել էր 59-րդ հորիզոնականը:
Հարեւան երկրներից Վրաստանը զբաղեցրել է 74-րդ տեղը, Ադրբեջանը՝ 101-րդը, Թուրքիան՝ 54-րդը եւ Իրանը՝ 120-րդը:
Ինդեքսի առանձնահատկությունն այն է, որ գնահատում է երկրում նորարարությունների կիրառումը հետեւյալ բնագավառներում՝ կրթություն, տնտեսություն, պետական կառավարում եւ այլն:
Ինդեքսը գլխավորում է Շվեյցարիան, նրան հաջորդում են Մեծ Բրիտանիան եւ Շվեդիան:
