նախընտրելի դարձնել
Այս տարվա աշնանը, iPhone 6-ի հետ մեկտեղ, Apple-ը պատրաստվում է թողարկել իր վճարային ծառայությունը: Ծառայության օգնությամբ iPhone օգտատերերը կարող են իրենց սարքերի միջոցով վճարել առեւտրային կենտրոնների տարբեր ապրանքների համար:
Apple-ի ներկայացուցիչները վարկային վճարային քարտերի հիմնադիր ընկերությունների հետ արդեն բանակցություններ են վարել Apple-ի բջջային քսակում բանկային տեղեկատվության օգտագործման հնարավորության շուրջ:
Լրատվամիջոցների փոխանցմամբ, iPhone-ի նոր մոդելը հագեցած է անվտանգության հատուկ համակարգով տվյալների հուսալի գաղտնիության ապահովման համար:
Նշվում է, որ Visa-ն արդեն մասնակցում է այս նախագծին:
Հավանական է, որ Apple-ի վճարային համակարգը կաշխատի Touch ID-ի հետ սերտ կապի պայմաններում, իսկ տվյալների փոխանակման համար կօգտագործվի ոչ թե այսօր մեծ տարածքում գտած NFC տեխնոլոգիան, այլ Bluetooth եւ Wi-Fi-ը:
