Հայաստանում արվեստը ներկայացնող պաշտոնյաները բացարձակ անտարբերություն ցուցաբերեցին Ջոյսի «Ուլիս» վեպի հայերեն թարգմանության նկատմամբ։ Այս մասին մարտի 17-ին խորհրդարանում Հայաստանի վաստակավոր շինարարի կոչման մասին օրինագծի քննարկման ժամանակ, ասել է ԲՀԿ ղեկավար Նաիրա Զոհրաբյանը։

Նրա խոսքով՝ Հայաստանում տասնյակ տաղանդավոր երեխաներ կան, որոնք չեն ձգտում ոչ մի պաշտոնական կոչումի, սակայն գիտության եւ արվեստի  հպարտություն են։ Նրանց թվում Զոհրաբյանն առանձնացրեց նկարիչ Արթուր Սարգսյանին, որի նկարը մի քանի տարի առաջ աճուրդի էր հանվել Sotheby’s-ում։  «Բացի այդ, ուզում եմ խոսել Ջոյսի վեպի թարգմանությունից, որը կատարել էր Սամվել Մկրտչյանը։ Նրա մասին չեմ խոսում անձնական շահագրգռվածությունից (Զոհրաբյանը Մկրտչյանի այրին է)։ Աշխարհում թարգմանիչները համարձակվել են 23 լեզուներով թարգմանել Ջոյսի պատկերած աշխարհը։ Դրանցից մեկը Սամվել Մկրտչյանն էր։ Սակայն այդ աշխատանքը բացարձակ անտարբերության մատնվեց։ Ուրիշ ի՞նչ սպասել»,- ասել է նա։