նախընտրելի դարձնելԹուրքական զինվորականությունը հայտարարել է Էրդողանին տապալելու եւ երկրում վերահսկողություն հաստատելու մասին: Այս մասին գրում է բրիտանական Telegraph-ը:
NTV հեռուստաալիքով տարածած հայտարարությունում զինվորականները նշել են, որ օրենքի գերակայությունն առաջնահերթություն է:
«Երկրում իշխանությունն ամբողջությամբ գրավված է»,- ասված է հաղորդագրությունում:
Ավելի վաղ հաղորդվել էր Ստամբուլի Աթաթուրքի անվան օդանավակայանի փակման մասին: Շենքի առջեւ տանկեր կան: Որոշ հաղորդագրությունների համաձայն՝ թուրքական հանրային հեռուստաալիքը դադարեցրել է հեռարձակումը:
Ավելի վաղ թուրքական ոստիկանությունը փակել էր նաեւ Ստամբուլի ասիական հատվածը եվրոպականին կապող Բոսֆորի նեղուցի կամուրջը: Միաժամանակ, Անկարայում ցածր բարձրությամբ ռազմական օդանավեր են պտտվում երկնքում:
Թուրքական որոշ լրատվամիջոցներ էլ հաղորդում էին Անկարայում Թուրքիայի գլխավոր շտաբի հարեւանությամբ փոխհրաձգության մասին:
.jpg)
