Google ընկերությունը սառեցրել է Project Ara մոդուլային հեռախոսների նախագիծը: Այդ մասին հայտնում է  Reuters-ը` վկայակոչելով իրավիճակին ծանոթ աղբյուրների:   

Կորպորացիան ստիպված էր հրաժարվել նախագծի զարգացումից` սմարթֆոնների ստեղծման մոտեցման  «ռացիոնալիզացիայի» կապակցությամբ:   

Գործակալությունը ենթադրում է, որ Google-ը կարող է ոչ միայն հրաժարվել մոդուլային հեռախոսների թողարկումից, այլեւ Project Ara-ի արտոնագիրը վաճառել այլ ձեռնարկության:   

Ակնկալվում էր, որ IT հսկան 2016-ի աշնանը ծրագրավորողների համար մոդուլային հեռախոսների տարբերակ կներկայացնի: Google I/O-ի  շրջանակում ցուցադրված սարքը թույլ էր տալիս այնպիսի դետալներ նկատել, ինչպիսիք են տեսախցիկը, աուդիոմոդուլները,  E-ink-էկրանը, լրացուցիչ կուտակիչը, հայտնում է  Gazeta-ն: