Նախընտրելի
Ադրբեջանի ԱԳՆ ղեկավար Էլմար Մամեդյարովը կարծում է, որ ԵԱՀԿ գագաթաժողովը շրջադարձային կլինի ղարաբաղյան հակամարտության կարգավորման գործում:
Ադրբեջանի ԱԳ նախարարի խոսքով, առաջիկայում նա ծրագրում է հանդիպել է Հայաստանի արտգործնախարար Էդվարդ Նալբանդյանի հետ, գրում է Cihan-ը:
«Աստրախանում Հայաստանի, Ադրբեջանի եւ Ռուսաստանի նախագահների վերջին եռակողմ հանդիպմանը ԱԳՆ ղեկավարներին հանձնարարվել է շարունակել բանակցային գործընթացը եւ նման հանդիպում շուտով կկայանա: Այդ հանդիպմանը ԱԳՆ ղեկավարները քննարկելու են կողմերի նախապատրաստումը Աստանայի գագաթաժողովին»,- նկատել է Մամեդյարովը:
Ադրբեջանի արտաքին քաղաքական գերատեսչության ղեկավարի խոսքով, հակամարտության կարգավորման «Ճանապարհային քարտեզը» պատրաստվել է Կովկասում խաղաղության եւ կայունության հաստատման համար:
ԵԱՀԿ գագաթաժողովը կայանալու է դեկտեմբերի 1-2-ին` Աստանայում:
