Նախընտրելի
Հայաստանի Հանրապետական կուսակցությունը կնախաձեռնի Լեռնային Ղարաբաղի անկախության ճանաչման մասին օրինագծի ընդունում, եթե սպառվեն մնացած միջոցները կամ էլ եթե պատերազմի սպառնալիք լինի ու հակամարտության կարգավորումը դուրս գա ԵԱՀԿ Մինսկի խմբի ձեւաչափից: Նոյեմբերի 5-ին լրագրողների հետ հանդիպմանն այս մասին ասաց Հայաստանի Հանարպետական կուսակցության փոխնախագահ Գալուստ Սահակյանը:
Սահակյանի կարծիքով, ղարաբաղյան հակամարտության կարգավորման գործընթացում այսօր նկատվում է որակական փոփոխություն եւ առաջընթաց, քանի որ փոխվել են միջազգային կառույցների վերաբերմունքը ազգերի ինքնորոշման սկզբունքի վերաբերյալ:
«Բոլորը հասկանում են, որ աշխարհի պետությունների 80 տոկոսը կայացել են որպես պետություն հենց այդ իրավունքի շրջանակներում: Բացի այդ, այսօր ավելի քիչ է խոսվում տարածքային ամբողջականության մասին: Եթե նույնիսկ դրա մասին հիշատակվում է, ապա միայն այն կոնտեքստում, որ եթե ազգն ինքնորոշվում է, ապա տարածքը, որի վրա նա դա անում է, դառնում է անձեռնմխելի»,-նշեց պատգամավորը` հավելելով, որ միջազգային հասարակությունն արդեն գիտակցում է, որ եթե Արցախը չմասնակցի բանակցություններին, ապա հակամարտությունը չի լուծվի:
