նախընտրելի դարձնելԻրանի խորհրդարանի մամուլի քարտուղարը հայտարարել է, որ Իրանի Ահվազ քաղաքում ահաբեկչական գործողությունների որոշ մեղավորներ պատասխանատվության են ենթարկվելու, հաղորդում է IRNA-ն:
Բեհրուզ Նեմաթին նշել է, որ Իրանի խորհրդարանի այսօրվա նիստը տեղի է ունեցել գլխավոր շտաբի պետի, հետախուզության եւ ներքին գործերի նախարարների, հետախուզական գործակալությունների գլխավոր տնօրենի եւ Խուզեստանի նահանգապետի մասնակցությամբ:
Այս նիստին, որին ներկա էին մի շարք պատգամավորներ, ներկաները ներկայացրել են իրանական Ահվազ քաղաքում տեղի ունեցած ահաբեկչության մասին զեկույցը:
Թեհրանի պատգամավորը ասել է. «Ելնելով առկա ապացույցներից, նրանց մեղավորությունը հաստատվել է եւ նրանք դատարանի առջեւ կկանգնեն»:
Հիշեցնենք, որ Ահվազ քաղաքում ռազմական շքերթի ժամանակ ահաբեկչական հարձակման արդյունքում վերջին տվյալներով 25 մարդ է զոհվել, եւս 60-ը վիրավորվել են: Ամբիոնի հետեւում գտնվող 4 զինվորական համազգեստով մարդիկ կրակ էին բացել մարդկանց վրա:
