նախընտրելի դարձնելԱլեքսանդր Սպենդիարյանի անվան Օպերայի և բալետի ազգային ակադեմիական թատրոնի աշխատակիզը հունվարի 8–ին հանցագործության մասին հաղորդում է ներկայացրել ոստիկանություն։
Տղամարդը հայտնել է, որ հունվարի 6–ին, ժամը 18։30–ի սահմաններում Նոր Նորքի Գյուրջյան փողոցում գտնվող իրենց շենքի շքամուտքում իրեն են մոտեցել 3 հոգի, որոնցից մեկը սպառնացել է իր և ընտանիքի անդամների կյանքի և առողջությանը վնաս պատճառել, եթե աշխատանքից ազատվելու դիմում չներկայացնի ։
Հաղորդում տված տղամարդը ոստիկաններին հայտնել է նաև, որ միջադեպի ընթացքում իր մոտ եղած դրամապանակն ընկել է, որը միջադեպի մասնակիցներից մեկը վերցրել է։
Ոստիկանության ձեռնարկած օպերատիվ հետախուզական միջոցառումների արդյունքում սակայն հայտնի է դարձել, որ հաղորդում տված տղամարդուն ոչ ոք չի ծեծել, սպառնացել, պահանջներ ներկայացրել , առավել ևս դրամապանակը հափշտակել, այլ կերպ ասած՝ հանցագործություն տեղի չի ունեցել ։
Հաղորդում տված անձը ոստիկանական բաժնում բացատրություն է տվել, որ հաղորդումը իրականությանը չի համապատասխանում , պատմությունը հորինել է, իսկ դրամապանակատը հափշտակելու հանգամանքը ճշմարտացի դարձնելու համար դրամապանակը նետել է աղբաման, իսկ պարունակությունը պահել ։
Կեղծ հաղորդում ներկաայցնելու պատճառները քննությամբ պարզվում են։
