նախընտրելի դարձնելԼեւոն Տեր-Պետրոսյանն ու նրա կողմնակիցներն են պատասխանատու 2008-ի մարտի 1-ի ողբերգական իրադարձությունների համար: Այս մասին հունվարի 29-ին լրագրողների հետ հանդիպման ժամանակ հայտարարեց ՀՀԿ մամլո քարտուղար Էդուարդ Շարմազանովը:
Նրա խոսքերով, այն ժամանակվա նախկին բարձրաստիճան պաշտոնյաների դեմ մեղադրանքները քաղաքական հետապնդում են, բայց ինչ-ինչ պատճառներով Հայաստանի առաջին նախագահի կողմնակիցների գործողություններին իրավական եւ քաղաքական գնահատական չի տրվում:
«Այսօր Հայաստանի դատաիրավական համակարգը խայտառակ վիճակում է: Ռոբերտ Քոչարյանի ձերբակալությունը, ինչպես նաեւ Յուրի Խաչատուրովի դեմ քրեական գործի հարուցումը զուտ քաղաքական բնույթի հետապնդում են: Ի՞նչ արդար արդարադատության մասին կարելի է խոսել, երբ Հատուկ քննչական ծառայության ղեկավարն ասում է վարչապետին, որ պետք է մի քանի օր «պահել» Յուրի Խաչատուրովին, եւ նա խելքի կգա»,-նշել է նա։
Անդրադառնալով խորհրդարանում ներքին քաղաքական իրավիճակին`Էդուարդ Շարմազանովը շեշտեց, որ ընդդիմություն, որպես այդպիսին, չկա:
«Ֆորմալ կերպով այն գոյություն ունի խորհրդարանում՝ « Բարգավաճ Հայաստան» եւ «Լուսավոր Հայաստան» խմբակցությունների տեսքով, սակայն հեղաշրջումից հետո այս 9 ամիսների ընթացքում, ո՛չ Ազգային Ժողովի արտահերթ ընտրություններից առաջ, ո՛չ էլ նախընտրական քարոզարշավից առաջ կամ հետո, նրանց ներկայացուցիչների շուրթերից իրական քննադատություն չհնչեց », - պարզաբանել է ՀՀԿ մամլո քարտուղարը:
Նա նաեւ ավելացրեց, որ 1990 թվականից հետո առաջին անգամ Հայաստանի խորհրդարանում չկա ընդդիմություն, եւ պատգամավորների 85 տոկոսը հայտնի չէ բնակչությանը, այդ թվում `քաղաքական գործիչներին եւ լրատվամիջոցների ներկայացուցիչներին:
«Ի հակադրություն դրա, մեր իշխանության տարիներին խորհրդարանում կային այնպիսի անհատականություններ, ինչպիսիք էին Արմեն Աշոտյանը, Արփինե Հովհաննիսյանը, Էդուարդ Շարմազանովը, Րաֆֆի Հովհաննիսյանը, որոնք կարեւոր դերակատարություն ունեցան երկրի քաղաքական կյանքում», - հայտարարեց Էդուարդ Շարմազանովը:
ՀՀԿ մամլո խոսնակն ավելացրեց, որ, ընդհանուր առմամբ, Նիկոլ Փաշինյանի եւ նրա կողմնակիցների քաղաքականությունը պոպուլիստական բնույթ է կրում:
