նախընտրելի դարձնել
Ռումինիայում ինժեներները գերձայնային «թռչող ափսե» են ստեղծում, որն ընդունակ է ուղղահայաց թռիչք եւ վայրէջք կատարել:
New Atlas հրատարակության տվյալներով, էնտուզիաստները արդեն պատրաստել են իրենց փորձնական սարքի թռչող նախատիպը, հաղորդում է Planet-today-ը:
Նախագիծը, որին մասնակցում է ինժեներ Ռազվան Սաբին եւ Օդատիեզերական հետազոտությունների ազգային ինստիտուտի աշխատակից Իոսիֆ Տապոսուն, կոչվում է ADIFO (All DIrections Flying Object):
Սկավառականման թռչող սարքերի նախատիպերը մշակվել են դեռեւս քսաներորդ դարի սկզբում, բայց այդպես էլ հայտնի չէին դարձել:
Սկավառականման սավառնակն առավելություններ ունի (օրինակ՝ համեմատաբար լավ աերոդինամիկ հատկանիշներ), սակայն ափսեի տեսքով թռչող սարքերն ընդհանուր առմամբ այդքան էլ հարմար չեն շահագործման համար: Այլ կերպ հնարավոր չէ բացատրել, թե ինչու մենք չենք ճանապարհորդում ՉԹՕ-նման տրանսպորտով:
Ռումինական ADIFO թռչող սարքի նախատիպը գործարկվում է պրոպելլերներով մի քանի էլեկտրական շարժիչներով, սակայն սերիական օրինակը, որը պետք է ձայնից արագ թռչի, ռեակտիվ շարժիչներ կունենա:
