նախընտրելի դարձնել
Չլուծված բյուրոկրատական հարցերն արգելակում են վերջնական թվայնացման հնարավորությունը ԵՏՄ շրջանակում։ Այս մասին «Եվրասիական մայրցամաքի տարանցման ներուժը» համաժողովի շրջանակում Երեւանում սեպտեմբերի 30-ին ասաց Ռուսաստանի Դաշնության կառավարության փոխնախագահ, Ռուսաստանի ֆինանսների նախարար Անտոն Սիլուանովը։
Նրա խոսքով՝ պետք է ստեղծվի միասնական «ամպ», որտեղ կստացվի տեղեկատվություն ապրանքների արտադրության, նշանակման վերջնակետի մասին եւ այլն։ «Այդ կենտրոնը չպետք է լինի պետական, ծառայությունը կմատուցի բիզնեսը»,- պարզաբանել է նա։
Սիլուանովը շեշտեց, որ տրանսպորտային ծառայությունները Ցանկացած երկրի կամ Միության ՀՆԱ-ի համար կարեւոր տարր են, որն ունենալով կարելի է լուրջ եկամուտներ ակնկալել: «Մեր միության տարածքի 14 տոկոսը ցամաքն է, ու ԵՏՄ ապագան կախված է այն հանգամանքից, թե ինչպես կկազմակերպենք մեր տրանսպորտային միջանցքները եւ հոսքերը: Խոչընդոտներ, անկասկած, մնացել են: Անհրաժեշտ է հասկանալ, որ թվայնացումը կարող է շատ խնդիրներ լուծել, այդ թվում՝ վարչարարության հետ կապված, ինչպես նաեւ թեթեւացնել ապրանքների արտահանումը»,- նշեց նախարարը:
Անտոն Սիլուանովը հավելեց, որ Ռուսաստանում կան այս ոլորտում սուբսիդավորման տարրեր, սակայն դրանք պետք է միանման լինեն ամբողջ Միությունում, անհրաժեշտ է պայմանները հավասարեցնել:
Հիշեցնենք, որ սեպտեմերի 30-ին Երեւանում ընթանում է «Եվրասիական մայրցամաքի տարանցման ներուժը» թեմայով համաժողովը:
