նախընտրելի դարձնել
Ապրիլի 3-ին ժամը 13:45 րոպե Հայաստանի ատոմային էլեկտրակայանի երկրորդ բլոկում դադարեցվել է էլեկտրաէներգիայի արտադրությունը: Ըստ ատոմակայանի աշխատանքային կանոնակարգի` տարեկան մեկ անգամ նախատեսվում է կայանում իրականացնել էներգաբլոկի պրոֆիլակտիկ նորոգման և մաքրման աշխատանքներ:
Էներգետիկայի եւ բնական պաշարների նախարարության մամուլի ծառայությունից NEWS.am-ին հայտնում են, որ այս օրերի ընթացքում կկատարվեն ատոմակայանի էներգաբլոկի ընթացիկ նորոգման, ինչպես նաև` տուրբինային կոնդեսատորների մաքրման աշխատանքներ:
ԱԷԿ-ում Էներգաարտադրությունը կվերսկսվի ապրիլի 7-ին մեկ տուրբոագրեգատով, իսկ մյուս տուրբոագրեգատի մաքրման աշխատանքները կշարունակվեն: ԱԷԿ-ը ամբողջ հզորությամբ էներգաարտադրության ցանցին կմիանա ապրիլի 19-ին:
