նախընտրելի դարձնել
Կայացել է հեռախոսազրույց Վլադիմիր Պուտինի եւ Սիրիայի նախագահ Բաշար Ասադի միջեւ, հաղորդում է ՌԻԱ Նովոստի-ն՝ հղում անելով Կրեմլի մամուլի ծառայությանը:
Նշվում է, որ Ռուսաստանի առաջնորդը տեղեկացրել է իր գործընկերոջը պայմանավորվածությունների մասին, որոնք ձեռք են բերվել Իդլիբում իրավիճակի հարցով նախօրեին Մոսկվայում կայացած Թուքրիայի նախագահ Ռեջեփ Թայիփ Էրդողանի հետ բանակցությունների ժամանակ: Պուտինը նշել է, որ դրանց իրագործումը թույլ կտա կայունացնել իրավիճակը տարածաշրջանում:
Ասադը բարձր է գնահատել Ռուսաստանի եւ Թուրքիայի առաջնորդների գագաթնաժողովի արդյունքները եւ երախտիք հայտնել Պուտինին ահաբեկչության դեմ պայքարը սատարելու համար:
Նախօրեին կայացած բանակցությունների արդյուքնում Պուտինն ու Էրդողանը համաձայնեցրել են համատեղ փաստաթուղթ Իդլիբում իրավիճակի շուրջ: Դրանում կողմերը հաստատել են իրենց հավատարմությունը «Աստանայի ձեւաչափին», հայտարարել մարտի 6-ի կեսգիշերից հրադադարի ռեժիմի, ինչպես նաեւ М4 կարեւոր մայրուղում պարեկային ծառայության մեկնարկի մասին, որը ներկայումս գտնվում է ահաբեկիչների հսկողության տակ:
