նախընտրելի դարձնել
ԱՄՆ նախկին փոխնախագահ Ջոզեֆ Բայդենը պատրաստակամություն է հայտնել այս տարվա նոյեմբերին նախատեսված նախագահական ընտրություններում հաղթանակի դեպքում կին նշանակել փոխնախագահի պաշտոնում: Նման հայտարարությամբ նա հանդես է եկել իր հակառակորդ, Դեմոկրատական կուսակցությունից թեկնածու Վերմոնտ Բեռնի Սանդերսի հետ հեռուստաբանավեճի ընթացքում, որը կիրակի օրը հեռարձակել էր CNN հեռուստաընկերությունը:
«Եթե ես դառնամ նախագահ, իմ վարչակազմը կարտացոլի երկրում տիրող իրավիճակը,- շեշտել է Բայդենը:- Եվ ես հակված եմ եմ կին նշանակել փոխնախագահի պաշտոնում»:
«Հենց հիմա մի քանի կին կա, որոնք պատրաստ են թեկուզ վաղը նախագահ դառնալ,- նշել է Բայդենը, որը զբաղեցրել է ԱՄՆ փոխնախագահի պաշտոնը Բարաք Օբամայի օրոք (2009-2017 թթ.):- Իմ փոխնախագահի պաշտոնում ես կին կընտրեմ»:
Ավելի վաղ Բայդենը հայտարարել էր, որ ԱՄՆ-ի նախագահի պաշտոնում Դեմոկրատական կուսակցությունից առաջադրվելու դեպքում փոխնախագահի պաշտոնում կցանկանար այնպիցի թեկնածու ընտրել, ով պատրաստ կլինի ցանկացած պահի փոխարինել իրեն: «Ինձ թվում է, որ առնվազն ութ կին կա, առնվազն չոր-հինգ սեւամորթ հավակնորդ, ովքեր ունեն բոլոր անհրաժեշտ որակները Միացյալ Նահանգների փոխնախագահը լինելու համար, բայց ինձ համար կարեւոր է, որպեսզի ընտրված անձը համապատասխանի երկու չափանիշի,- ասել էր Բայդենը անցած հունվարին Այովայում ընտրողների հետ հանդիպման ժամանակ:- Նախ, նա պետք է կարողանա անմիջապես ստանձնել նախագահի պաշտոնը, քանի որ ես ծեր մարդ եմ, այնպես չէ՞»:
Morning Consult հետազոտական ծառայության կողմից անցկացված համազգային հարցման արդյունքների համաձայն` հեռուստաբանավեճի նախօրեին 2.072 հավանական ընտրողների շրջանում 59 տոկոսը նշել էր, որ կաջակցեր Բայդենին, եթե ընտրություններն անցկացվեին այդ ժամանակ, մինչդեռ Սանդերսին պատրաստ էր աջակցել 35 տոկոսը:
ԱՄՆ 59-րդ նախագահական ընտրությունները տեղի կունենան նոյեմբերի 3-ին:
