նախընտրելի դարձնել
Մոլդովայի նախագահ Իգոր Դոդոնը ափսոսանք է հայտնել Հայաստանի եւ Ադրբեջանի սահմանին տեղի ունեցած բախումների կապակցությամբ, նա հույս ունի, որ կողմերը կկարողանան նստել բանակցությունների սեղանի շուրջ եւ խնդրի լուծում գտնել, հայտնում է «ՌԻԱ Նովոստի»-ն:
«Այն ամենը, ինչ տեղի է ունենում, շատ ցավալի է․ վերջին օրերին հաղորդվում էր վիրավորների եւ սպանվածների մասին, ես հույս ունեմ, որ այս ամենը կդադարի, որպեսզի խաղաղություն լինի: Մենք կզարգացնենք համագործակցությունն ու գործընկերությունը՝ ինչպես Ադրբեջանի, այնպես էլ Հայաստանի հետ։ Հուսով եմ, որ նրանք կկարողանան նստել բանակցությունների սեղանի շուրջ եւ պայմանավորվել՝ առանց արյունահեղության, առանց կրակոցների, առանց պատերազմի»,- ասել է Դոդոնը ֆեյսբուքյան իր էջով տարածված տեսանյութում:
