նախընտրելի դարձնել
Երեկ Xiaomi-ն թողարկել է Xiaomi Mi 10 Ultra սմարթֆոնը եւ Xiaomi Mi TV Lux Transparent Edition առաջին թափանցիկ հեռուստացույցը, որոնք, պարզվել է, մեծ ժողովրդականություն են վայելում։
Երկրպագուների հետ զրույցի ընթացքում Xiaomi-ի ղեկավար Լեյ Ցզյունին հարցրել են, թե երբ չինական արտադրական հսկան կթողարկի իրական թափանցիկ սմարթֆոն, որը նման է Xiaomi Mi TV Lux Transparent Edition-ին, գրում է IXBT.com- ը:
Լեյ Ցզյունը երկրպագուներին խորհուրդ է տվել համբերել եւ ուղիղ հայտարարել է, որ այս փուլում բավականին խնդրահարույց է նման սմարթֆոն թողարկելը: Սակայն նա բոլորին խորհուրդ է տվել ուշադրություն դարձնել հետեւի թափանցիկ կափարիչով Xiaomi Mi 10 Ultra տարբերակի վրա:
Հարկ է նշել, որ Xiaomi Mi TV Lux Transparent Edition թափանցիկ հեռուստացույցի ամբողջ էլեկտրոնային մասը տեղադրված է նրա հիմքի մոտ: Իսկ սմարթֆոնների բաղադրիչները գտնվում են էկրանի անմիջապես հետեւում, ուստի թափանցիկ հեռախոսների ստեղծումը բարդության այլ մակարդակի խնդիր է:
