նախընտրելի դարձնել
Ամերիկացի ռեփ գերաստղ Քանյե Ուեսթն օգոստոսին գրեթե 5.9 միլիոն դոլար է ծախսել իր ԱՄՆ նախագահական ընտրությունների շրջանակներում, հայտնում է NBC-ն: Այս գումարը գրեթե ամբողջությամբ ծախսվել է երաժշտի անձնական միջոցներից:
Ընդհանուր առմամբ, միլիարդատերն իր քարոզարշավի ընթացքում ծախսել է 6.76 միլիոն դոլար, նշվում է Ուեսթի Դաշնային ընտրարշավի դրամահավաքի նոր զեկույցում: Եվս 3.850 դոլար նա հավաքել էր 8 լրացուցիչ նվիրատվություններից:
Ուեսթի քարոզարշավի մեջ ներդրված ֆինանսավորման մեծ մասը տրամադրվել է երեք խորհրդատվական ընկերություններին` Millennial Strategies-ին, Fortified Consulting-ին եւ Atlas Strategy Group-ին:
Ուեսթի քարոզարշավը ղեկավարում է հանրապետական մասնագետ Գրեգ Քելլերը, ով ղեկավարում է Atlas Strategy ընկերությունը:
Ներկայումս Ուեսթն ԱՄՆ նախագահի թեկնածու գրանցվելու հայտեր է ներկայացրել ավելի քան 10 նահանգում` Արկանզաս, Կոլորադո, Այդահո, Այովա, Մինեսոտա, Օկլահոմա, Յուտա, Թենեսի, Կենտուկի, Մինեսոտա, Լուիզիանա եւ Վերմոնտ: Ընդ որում, 8 նահանգում նրա դիմումները մերժվել են:
Վերջերս ռեփերի փաստաբանները դատական հայց էին ներկայացրել` հույս ունենալով Ուեսթի թեկնածությունը գրանցել Վիսկոնսին, Օհայո եւ Արեւմտյան Վիրջինիա նահանգներում:
