ԱՄՆ նախկին նախագահ Դոնալդ Թրամփի իմպիչմենթի դատավարության մեջ անսպասելի շրջադարձ է կատարվել շաբաթ օրը, երբ ԱՄՆ Սենատը միաձայն քվեարկել է, որպեսզի վկաներ կանչեն Կապիտոլիումի վրա գրոհի հարցում նախկին նախագահի դերի գործով, հաղորդում է Reuters-ը:

55 սենատոր կողմ է քվեարկել վկաներ կանչելուն, 45-ը՝ դեմ:

Սա նշանակում է, որ Թրամփի գործով որոշումը դժվար թե շաբաթ օրը կայացվի։

Քվեարկությունից առաջ սպասվում էր, որ որպես մեղադրող հանդես եկող Ներկայացուցիչների պալատի օրենսդիրների եւ Թրամփի փաստաբանների եզրափակիչ փաստարկները կհրապարակվեն դատական գործընթացի սկսվելուց մեկ շաբաթ անց:

Այս քայլը Սենատում բախման է հանգեցրել եւ կարող է խափանել կաբինետի անդամներին հաստատելու եւ իր նախորդի շուրջ ծագած հակասությունները հաղթահարելու դեմոկրատ նախագահ Ջո Բայդենի ջանքերը՝ առաջ մղելով COVID-19-ի հետեւանքների մեղմացման եւ տնտեսական վերականգնման օրենսդրական օրակարգը:

Սենատում քվեարկության ժամանակ եւ դրանից հետո քաոս է տիրել: Սենատորները ակնհայտ տարակուսանքի մեջ են եղել, իսկ սենատորներ Ռոն Ջոնսոնը եւ Միթ Ռոմնին սուր քննարկումներ են սկսել։