նախընտրելի դարձնել
Windows-ի փետրվարյան թարմացումը կոտրել է համակարգը, հաղորդում է Windows Latest-ը:
Լրագրողներն ուշադրություն են դարձրել Microsoft-ի, Reddit-ի ֆորումներում եւ այլ սոցցանցերում բողոքներին: Հրապարակումներում Windows-ի օգտատերերը պատմել են, որ բախվել են խնդիրների KB4601319 թարմացումից հետո: Մասնավորապես, որոշ օգտատերեր պատմել են, որ համակարգի ռեզերվային կրկնօրինակման գործառույթը կոտրվել է: Տվյալ դեպքում մեծանում է խափանման ժամանակ անձնական տվյալների կորստի ռիսկը:
Օգտատերերի մի մասը նշել է, որ ռեզերվային կրկնօրինակման պարամետրերը հայտնվել են ուշացումով, իսկ տվյալների պահպանման գործընթացը հաճախ ավարտվել է սխալով:
Օգտատերերի մի մասն էլ հայտնել է, որ բացի այդ խնդրից, նրանց սարքերի վրա կոտրվել են վեբ տեսախցիկները: Ընկերության մասնագետները դեռ չեն արձագանքել հաճախորդների բողոքներին:
