նախընտրելի դարձնելՄենք պետք է 3000 ավտոմեքենա գործարկենք եւ շրջապատենք կառավարական բոլոր շենքերը: Այս մասին մարտի 13-ին լրագրողների հետ հանդիպման ժամանակ ասաց «Ծիրանի երկիր» կուսակցության նախագահ Զարուհի Փոստանջյանը:
Ըստ նրա՝ նույն մեթոդները կիրառվել են նաև 2018-ին, եւ այդ ժամանակ դա տվեց իր պտուղները:
«48 ժամվա ընթացքում անհրաժեշտ է արգելափակել իշխանությունների ներկայացուցիչների (Վարչապետ, նախագահ, մարզպետներ, «Իմ քայլը» դաշինքի խմբակցության պատգամավորներ) տեղաշարժը եւ պայմաններ դնել, որպեսզի նրանք հեռանան»,- պարզաբանեց նա:
Արմատական գործողությունների կոչը, ինչպես նշեց Փոստանջյանը, պայմանավորված է նրանով, որ իշխանությունները շարունակելու են ստել՝ ձգձգելով արտահերթ ընտրությունների անցկացման հարցը, ինչպես դա պահանջում են նրանց հովանավորները (Թուրքիան եւ Ադրբեջանը):
«Սա պայքար չէ իշխանության եւ ընդդիմության միջեւ, սա ազգային-ազատագրական պայքար է Հայաստանում թուրքամետ ուժերի դեմ»,- հավելեց քաղաքական գործիչը:
