Եվրամիությունն ու արեւմտյան երկրները բազմիցս ցույց են տվել, որ վստահելի գործընկերներ չեն Ռուսաստանի համար: Այս մասին լրագրողների հետ հանդիպման ժամանակ ասաց ՌԴ արտաքին գործերի նախարար Սերգեյ Լավրովը: «Կարող են լինել իրավիճակներ, երբ բոլորովին դատարկ տեղն անօրինական որոշումներ կկայացվեն»,- ասել է նա, փոխանցում է ՏԱՍՍ-ը:

Ինչպես նշել է նախարարը, Ռուսաստանը կցանկանար, որպեսզի կնքված բոլոր պայմանագրերը կատարվեին, բայց կան բազմաթիվ բացասական օրինակներ: «Համոզված եմ, որ մեր կառավարությունը, Կենտրոնական բանկը, համապատասխան ֆինանսական մարմինները հնարավոր լուծումներ են պատրաստում, եթե փորձ կատարվի խաթարել բազմակողմանի առեւտրային համակարգի շրջանակներում, Առեւտրի համաշխարհային կազմակերպության շրջանակներում ազատ փոխանակում ապահովելու մեր հնարավորությունները»,- ասել է Լավրովը:

Նա հավելել է, որ վերջերս ԵԱՏՄ միջկառավարական խորհրդի նիստին քննարկվել են հաշվարկներում ազգային արժույթների ավելի խիտ օգտագործման հարցերը: «Ընդհանուր առմամբ, քննարկվել է նաեւ այն արժույթների անցումը, որոնք կախված չեն լինելու դոլարից, որոնց դիրքերը երկար տարիներ կոպտորեն չարաշահվում են ԱՄՆ-ի կողմից»,- ասել է ՌԴ ԱԳՆ ղեկավարը:

Ավելի վաղ Եվրախորհրդարանը բանաձեւ էր ընդունել Ռուսաստանի Դաշնության վերաբերյալ, որով կոչ է արվում պատժամիջոցներ կիրառել «Հյուսիսային հոսք-2»-ի, «Ռոսատոմ»-ի, «ռուս օլիգարխների» դեմ, ինչպես նաեւ՝ «Ուկրաինա ներխուժման» դեպքում անջատել Ռուսաստանի Դաշնությունը SWIFT միջազգային վճարային համակարգից :