Գյումրիում օգոստոսի 13-ին ոստիկանները ուժեղացված ծառայություն են իրականացրել՝ հայտնաբերելով ճանապարհային երթեւեկության կանոնների շուրջ 60 խախտում։ Այս մասին NEWS.am-ը տեղեկանում է ոստիկանությունից։ 

Մասնավորապես, պահպանվող հատուկ տարածք է տեղափոխվել 8 մեքենա։ Հայտնաբերվել է առանց վարորդական իրավունքի վկայականի 2 անձ, հետախուզման մեջ գտնվող 6, առանց ԱՊՊԱ պայմանագրի 14, թաղանթապատված դիմապակիով 12 տրանսպորտային միջոց։

Ոստիկանությունը հորդորում է խստորեն պահպանել ճանապարհային երթեւեկության բոլոր կանոնները․ նմանօրինակ միջոցառումները պարբերական են։