ՆախընտրելիԵԱՀԿ Խորհրդարանական վեհաժողովի պատվո նախագահ, պորտուգալացի խորհրդարանական Ժոաո Սոարեշն առաջիկայում կնշանակվի Հարավային Կովկասի հարցով ԵԱՀԿ Խորհրդարանական վեհաժողովի նախագահի հատուկ ներկայացուցիչ:
Հուլիսի 8-ին մեկնարկած ԵԱՀԿ Խորհրդարանական վեհաժողովի շրջանակներում, Վեհաժողովի նախագահ, հույն Պետրոս Էֆթիմիուն Հայաստանի եւ Ադրբեջանի պատվիրակներին հրավիրել է մի հանդիպման, որի ընթացքում երկու պատվիրակությունների հետ համաձայնեցրել է ԵԱՀԿ ԽՎ նախագահի անձնական ներկայացուցչի Հարավային Կովկասի հարցերով զեկուցողի թեկնածությունը:
Հիշեցնենք, որ Գորան Լենմարկերի գործունեության ավարտից հետո այս պաշտոնը մնում էր թափուր: ներկայումս Պետրոս Էֆթիմիուն որոշել է այս պաշտոնին առաջադրել ԵԱՀԿ ԽՎ պատվո նախագահ, պորտուգալացի Ժոաո Սուարեշի թեկնածությունը, ում լավ են ճանաչում ե’ւ Հայաստանում, ե’ւ Ադրբեջանում:
Սպասվում է, որ առաջիկայում ԵԱՀԿ ԽՎ շրջանակներում կհայտարարվի այդ նշանակման մասին:
Նշենք, որ Սերբիայի մայրաքաղաք Բելգրադում հուլիսի 6-ին մեկնարկել է ԵԱՀԿ ԽՎ ամենամյա նստաշրջանը:
