Թբիլիսիի գերեզմանատներից մեկում հայ է մահացել: 82-ամյա Սարգիս Ադամյանը, ով երկու օր առաջ էր եկել Հայաստանից՝ այցելելու ծնողների շիրիմին, մահացել է հուլիսի 25-ին, Թբիլիսիի Պետրոպավլովյան գերեզմանատանը՝ չկարողանալով հանգցնել բռնկված հրդեհը, հայտնում է «Նովոստի Գրուզիան»:

Փրկարարների տվյալներով, Ադամյանը փորձել է հանգցնել բռնկված խոտը, սակայն  փորձը հաջողությամբ չի պսակվել եւ նա որոշել է լքել տարածքը: Փրկարար ծառայության աշխատակիցները  նրան գտել են երկաթյա պարսպի մոտ, որից նա փորձել է ցատկել, սակայն չի կարողացել, քանի որ ըստ երեւույթին կառչել է ինչ-որ բանից:

Վրացական լրատվամիջոցների տվյալներով,  Ադամյանը այրվածքներ է ստացել:  Սակայն, նախաքննության տվյալներով, տղամարդը մահացել է սրտի նոպայից: