Թուրքիայի պաշտպանական արդյունաբերության տնօրինության ղեկավար Իսմայիլ Դեմիրը հայտարարել է, որ երկիրը մտադիր չէ հրաժարվել ռուսական «Ս-400» ՀՕՊ համակարգերից՝ ԱՄՆ-ի կամ ՆԱՏՕ-ի ճնշման տակ, գրում է «Իզվեստիա»-ն։

Դեմիրի խոսքով՝ «Թուրքիան ինքն ի վիճակի է որոշել իր քաղաքականությունն ու իր ուղին»։

«Դա մեզ համար քննարկման առարկա չէ։ Ավելի վաղ մենք քննարկել ենք այդ հարցը, իսկ հիմա պարզապես շարունակում ենք համագործակցությունը Ռուսաստանի հետ։ Դրանից հրաժարվելը չի ​​էլ քննարկվում»,- պարզաբանեց նա։

Ավելի վաղ Sky News Arabia-ն հայտնել էր, որ ԱՄՆ-ն Թուրքիայի հետ քննարկում է Ուկրաինա «Ս-400»-ներ ուղարկելու հարցը։

Ռուսաստանը եւ Թուրքիան «Ս-400»-ների մատակարարման առաջին պայմանագիրը ստորագրել էին 2017 թվականին, թուրքական կողմը համալիրները ստացել էր 2019 թվականի ամռանը եւ աշնանը։ ԱՄՆ-ում այս գործարքը բացասական էր ընկալվել. պնդում էին, որպեսզի Անկարան հրաժարվի իր պլաններից:

Անցյալ աշնանը Անկարան եւ Մոսկվան պայմանավորվեցին չհրապարակել «Ս-400»-ների համատեղ արտադրության մանրամասները։