նախընտրելի դարձնել
Հայաստանը կարեւորում է Իտալիայի հետ հարուստ պատմության և կապերի վրա հիմնված հարաբերությունների հետեւողական զարգացմանը՝ նաեւ ԵՄ-ի հետ համապարփակ եւ ընդլայնված գործընկերության համաձայնագրի շրջանակում՝ հիմված ընդհանուր մշակութային եւ ժողովրդավարական արժեքների վրա: Այս մասին Երեւանում ապրիլի 3-ին Իտալիայի ԱԳՆ ղեկավար Լուիջի դի Մայոյի հետ հանդիպման ավարտին հայտարարել է ՀՀ ԱԳ նախարար Արարատ Միրզոյանը:
Նախարարը գոհունակություն է հայտնել բարձր մակարդակով վարվող քաղաքական երկխոսության եւ այցերի դրական դինամիկայի առնչությամբ:
Նախարարը գոհունակություն է հայտնել բարձր մակարդակով վարվող քաղաքական երկխոսության եւ այցերի դրական դինամիկայի առնչությամբ: Նրա խոսքով՝ կողմերն արձանագրել են ապրանքաշրջանառության եւ Հայաստանում իտալական ներդրումների ծավալի տարեցտարի գրանցվող աճը՝ վստահեցնելով, որ կողմերը հետաքրքրված են տնտեսական համագործակցության զարգացման հարցում: Այնուամենայնիվ, հսկայական չօգտագործված ներուժ կա, որի ներգրավման համար կարեւոր է միջկառավարական հանձնաժողովի աշխատանքը: Նախարարը հիշեցրել է, որ վերջին անգամ հանձնաժողովը գումարվել է 2017թ.: «Կարծում եմ՝ կարող ենք քայլեր ձեռնարկել այդ ուղղությամբ»,- հավելել է Միրզոյանը:
Նրա խոսքով՝ կողմերն անդրադարձել են Հայաստան-ԵՄ համագործակցության օրակարգին՝ Արեւելյան գործընկերության նախաձեռնության շրջանակում: Նախարարը ողջունել է նաեւ իտալական բուհերում հայագիտության բաժնի բացումը:
